Hienieralny sakratar Arhanizacyi Paŭnočnaatłantyčnaha dahavoru Anders Foh Rasmusen u intervju Welt am Sonntag 30 sakavika zajaviŭ, što praces jaje pašyreńnia pradoŭžycca.
«Ustupleńnie krain Uschodniaj Jeŭropy ŭ hetuju arhanizacyju źjaŭlajecca ŭražlivaj historyjaj pośpiechu našaha času. Ale naša zadača jašče nie vykananaja», - zajaviŭ jon.
Rasmusen adznačyŭ, što kožnaja jeŭrapiejskaja dziaržava, jakaja ŭ stanie sadziejničać zachavańniu asnoŭnych pryncypaŭ Aljansu i jakaja hatova ŭnieści svoj układ u zabieśpiačeńnie biaśpieki ŭ zonie jaho ŭpłyvu moža padavać zajaŭku na siabroŭstva ŭ NATO.
Hienieralny sakratar NATO taksama padkreśliŭ, što partniorskija adnosiny z Ukrainaj buduć nadalej pastajanna ŭmacoŭvacca. Dziejańni Rasiei ŭ Krymie Foh Rasmusen znoŭ nazvaŭ «parušeńniem mižnarodnaha prava, a taksama terytaryjalnaj cełasnaści i suvierenitetu Ukrainy».
Hienieralny sakratar NATO Anders Foh Rasmusen zajaŭlaŭ, što ŭ suviazi z kryzisam va Ukrainie NATO źbirajecca ŭzmacnić svaju prysutnaść u krainach-siabrach aljansu va Uschodniaj Jeŭropie. Hienieralny sakratar NATO padkreśliŭ, što i ŭ dalejšym ŭpor budzie zrobleny na pošuki dypłamatyčnaha ŭrehulavańnia kryzisu va Ukrainie.
