Ranicaj 30 sakavika na ŭvachodzie ŭ mienskuju stancyju metro «Mahilouskaja» milicyjaj byŭ zatrymany viadomy paet, były palitviazień Słavamir Adamovič.
Farmalnaja pryčyna zatrymańnia — vyśviatleńnie asoby, ale sapraŭdnaja, jak raspavioŭ «Svabodzie» Słavamir Adamovič, źviazanaja z padziejami va Ukrainie.
«Niekalki dzion vychodžu ŭ horad z žoŭta-błakitnaj i bieł-čyrvona-biełaj stužkami na vopratcy. Heta moj znak salidarnaści z ukriancami ŭ ich baraćbie z akupantami z Rasiei. I voś zatrymali na ŭvachodzie ŭ metro. Zaraz raźbirajucca z majoj asobaj. Pa telefonie načalstvu peŭna kažuć, što «ŭ jaho była žoŭta-błakitnaja stužka, što ź im rabić», — raspavioŭ Słavamir Adamovič pa telefonie ź milicejskaha pastarunku na stancyi metro.
Pavodle zakonu, milicyja moža zatrymać hramadzianina dziela vyśviatleńnia asoby na 3 hadziny.
