Pra heta ŭ paniadziełak zajaviŭ namieśnik ministra abarony Ukrainy ŭ intervju ŭkrainskim telekanałam.
Ź jahonych słovaŭ, kancentracyja vojskaŭ na miažy Ukrainy pamienšała, ale heta nie daje padstavy rassłabicca. Havorka moža być prosta ab ratacyi.
U toj ža čas prezident Rasii Uładzimir Pucin u telefonnaj razmovie z kanclerkaj Niamieččyny Anhiełaj Mierkiel zajaviŭ, što advod vojskaŭ pačaŭsia.
Zajavu Pucina pieradaje VVS sa spasyłkaj na pres-sakratara kiraŭnicy niamieckaha ŭrada.
Paviedamleńnie pres-słužby Kramla trochi inšaje. Ź jaje słovaŭ, Pucin abmierkavaŭ ź Mierkiel mahčymaści mižnarodnaha spryjańnia tamu, kab adnavić stabilnaść va Ukrainie i znoŭ uźniaŭ prablemu Prydniastroŭja. Rasijski kiraŭnik havaryŭ, što ŭ Prydniastroŭi nieabchodna pryniać efiektyŭnyja miery, nakiravanyja na źniaćcie faktyčnaj błakady hetaha rehijona, i znajści spraviadlivaje i ŭsioabdymnaje rašeńnie prydniastroŭskaj prablemy.
Darečy, situacyju ź niepryznanaj respublikaj Prydniastroŭje Pucin abmiarkoŭvaŭ i ŭ piatnicu ŭ razmovie z prezidentam ZŠA Barakam Abamam.
