Na budaŭnictvie BiełAES vykanana 5% ad ahulnaha abjomu rabot. Pra heta siońnia paviedamiŭ žurnalistam namieśnik hienieralnaha dyrektara pa kapitalnym budaŭnictvie RUP «Biełaruskaja AES» Andrej Barkun padčas pres-tura biełaruskich i zamiežnych žurnalistaŭ u ramkach IV Mižnarodnaj vystavy-kanfierencyi «Atamekspa-Biełaruś 2014».
Andrej Barkun paćvierdziŭ, što razryŭ pamiž pačatkam budaŭnictva pieršaha i druhoha enierhabłokaŭ AES składaje zamiest płanavych paŭtara hoda tolki šeść miesiacaŭ. Heta dasiahnuta za košt taho, što ziemlanyja raboty na placoŭcy budaŭnictva druhoha enierhabłoka byli pačaty raniej hrafika, što dało mahčymaść bolš efiektyŭna vykarystoŭvać abstalavańnie, jakoje vyzvaliłasia ad ziemlanych rabot na placoŭcy pieršaha enierhabłoka. Pa słovach namieśnika hiendyrektara, uzrovień vykanańnia finansavaha płana budaŭnictva taksama nabližajecca da 5%. Jon rastłumačyŭ, što ŭ košcie AES vialikuju ŭdzielnuju vahu zajmaje niepasredna abstalavańnie stancyi.
«U ciapierašni čas pa 70% abstalavańnia pieršaha i druhoha błokaŭ prajšli konkursy, vyznačany padradčyki, ź imi zaklučanyja kantrakty. Pačaty vyrab detalaŭ, jakija patrabujuć praciahłaha (ad hoda da dvuch) terminu rabot, i zavody-vytvorcy ŭžo pačali vykanańnie zamovy. U adras vytvorcaŭ ažyćciavili pieršyja płaciažy «, - skazaŭ Andrej Barkun.
U ciapierašni čas na budaŭnictvie BiełAES zadziejničana, pa ŭdakładnienych dadzienych, 2600 čałaviek, ź jakich kala 2100 składajuć rabotniki biełaruskich pradpryjemstvaŭ. Astatnija 500 — rabotniki rasijskaha pradpryjemstva «Rosśpiecenerhamantaž», siarod jakich, pa słovach pradstaŭnika AES, taksama pracuje šmat biełarusaŭ. Viadoma, što ŭ ciapierašni čas na pracu ŭ RUP «Biełaruskaj AES», pryniatyja dva byłych śpiecyjalisty Ihnalinskaj AES, adzin ź jakich źjaŭlajecca načalnikam turbinnaha cecha. Płanujecca, što da kanca hoda ahulnaja kolkaść rabotnikaŭ na budaŭnictvie AES dasiahnie 3 400 čałaviek.
«Buduć raści i tempy, i abjomy rabot, — raspavioŭ Andrej Barkun. — Siońnia raboty viaducca ŭžo na 40 abjektach stancyi, pryčym na 15 pracy pačatyja ŭ pieršym kvartale 2014 hoda. Usiaho ž treba budzie ŭźvieści 120 abjektaŭ Biełaruskaj AES».
