30 kastryčnika paśla 14:00 u mahiloŭskim śledčym izalatary adbudziecca sustreča palitviaźnia Artura Fińkieviča z advakatkaj Hannaj Rybałka. Advakatka źbirajecca aznajomicca z materyjałami novaj kryminalnaj spravy suprać Artura. Nia vyklučana, što ŭ hety ž dzień moža być pryznačanaja data sudu.
Artur Fińkievič adbyvaje dvuchhadovaje pakarańnie abmiežavańniem voli ŭ mahiloŭskaj speckamendatury za palityčnyja hrafici, zroblenyja napiaredadni minułych prezydenckich vybaraŭ. U čaćvier Artura nibyta ŭbačyli ŭ pjanym vyhladzie ŭ kamendatury, za što było vyniesienaje čaćviortaje papiaredžańnie. Heta aznačała aŭtamatyčny pieravod u SIZA i zaviadzieńnie novaj kryminalnaj spravy. Ciapier chłopca abvinavačvajuć u artykule 415 KK “Parušeńnie režymu adbyćcia pakarańnia”. Pavodle hetaha artykułu Fińkieviču pahražaje da troch hadoŭ turmy.
Na volu chłopiec musiŭ vyjści 9 śniežnia.
