 |
U minułuju piatnicu ministar enerhietyki Biełarusi Alaksandar Aziarec paviedamiŭ pra padrychtavany biełaruskim uradam zvarot da rasiejskaha premjer‑ministra z prapanovaj razhledzieć prajekt pabudovy druhoj čarhi hazapravodu Jamał‑Eŭropa ŭ abychod Ukrainy, paviedamlaje ŭkrainski «Kommiersant». Pavodle prajektu prapusknaja zdolnaść hetaha hazapravoda moža być supastaŭnaj ź pieršaj nitkaj hazapravoda Nord Stream (27,5 młrd kub. m), a sam prajekt budzie tańniejšym. U vypadku realizacyi prajektu, budaŭnictva adbudziecca ŭ dva etapy: pabudova hazapravodu ad kampresarnaj stancyi «Niaśviž» da miažy z Polščaj, zatym, paśla supastaŭleńnia patreby hazu ŭ Eŭropie i mahčymaściaŭ jaho zdabyčy ŭ Rasiei, praciah nitki hazapravodu da rasiejskaj terytoryi.
Rasiejski bok pakul nie śpiašajecca pryniać prapanovu Biełarusi: bo ŭ vyniku ŭviadzieńnia Eŭrasajuzam novych paviłaŭ ŭ enerhapalitycy «Hazpram» moža starcić kantrol nad dziejučym hazapravodam Jamał‑Eŭropa na terytoryi Polščy. Nahadajem, što biełaruski bok užo prapanoŭvaŭ
Rasiei viarnucca da planaŭ pabudovy druhoha adhalinavańnia trubapravodu, prapanujučy ŭ abmien biaspłatny tranzyt hazu ciaham piaci hod. Tady paviedamlałasia, što hety varyjant nia byŭ uklučany ŭ invest‑prahramu 2008 h. «Hazpramu» praz adsutnaść čakanaha padvyšeńnia abjomu zakupak hazu Polščaj.
Adnak prapanovu biełaruskaha ŭradu «Hazpram» hatovy skarystać, kab prymusić Ukrainu pieradać svaju hazatranspartnuju systemu ŭ kiravańnie ŭtvoranamu ŭ 2001 h. kansorcyjumu. Dadzienaja pazycyja budzie daviedzienaja da ŭkrainskaha ŭradu ciaham nastupnych pieramovaŭ nakont cenaŭ na haz.
