7 krasavika kalehija pa kryminalnych spravach Viarchoŭnaha suda Biełarusi abviaściła prysud pa spravie byłoha namieśnika staršyni suda Kastryčnickaha rajona Mahilova Mahamieda Umarava i advakata Anatola Homanava.
Jany abvinavačvalisia ŭ karupcyjnych złačynstvach, źviazanych z zabieśpiačeńniem za ŭznaharodžańnie vyniasieńnia «patrebnych» pryhavoraŭ.
Mahamied Umaraŭ pryhavorany da 14 hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści i zabaronaj zajmać pasady ŭ sudovych i pravaachoŭnych orhanach terminam na 5 hadoŭ.
Anatolu Homanavu Viarchoŭny sud pryznačyŭ 1 hod abmiežavańnia voli biez nakiravańnia ŭ papraŭčyja ŭstanovy adkrytaha typu. Homanaŭ apraŭdany pa č. 1 art. 209 (zavałodańnie majomaściu šlacham złoŭžyvańnia davieram, machlarstva).
Pryhavory Viarchoŭnaha suda abskardžańniu ŭ kasacyjnym paradku nie padlahajuć.
Nahadajem, Umaraŭ byŭ zatrymany 20 červienia 2013 hoda pavodle padazreńnia ŭ atrymańni chabaru. Tady KDB paviedamiŭ, što niezakonnaje hrašovaje ŭznaharodžańnie ŭ 2.700 dołaraŭ ZŠA było atrymana namieśnikam staršyni suda ad Anatola Homanava za vyniasieńnie stanoŭčaha rašeńnia pa kryminalnaj spravie ŭ dačynieńni da padabaronnaj i minimizacyju mahčymaha pakarańnia.
Umaraŭ abvinavačvaŭsia na padstavie č. 3 art. 430 (atrymańnie chabaru słužbovaj asobaj, jakaja zajmaje adkaznuju pasadu, paŭtorna ŭ bujnym pamiery), art. 13 i č. 2 art. 431 (padrychtoŭka da davańnia chabaru ŭ bujnym pamiery paŭtorna), art. 13 i č. 3 art. 209 (padrychtoŭka da zavałodańnia majomaściu šlacham padmanu i złoŭžyvańnia davieram, machlarstva, učynienaje ŭ bujnym pamiery) Kryminalnaha kodeksa.