Na płoščy Svabody ŭ Charkavie praciahvajecca akcyja prarasijskich aktyvistaŭ, piša Status quo.
Kala 19.00 jany praviali «schod abłasnoj hramady». Na im byŭ vykazany niedavier deputatam Charkaŭskaha abłsavieta i začytany pajmienny śpis tych ludziej, jakija zapisalisia ŭ «alternatyŭnyja deputaty» i majuć namier pravieści siesiju, kab pryznačyć refierendum. Siarod ich — Kanstancin Dałhoŭ, Jahor Łohvinaŭ, Jaŭhien Hutka, Vital Satar, Pavieł Ciščanka i inšyja.
Hetyja «alternatyŭnyja deputaty» na prystupkach pierad administracyjaj pryniali prysiahu.
«Alternatyŭnym deputatam» nie ŭdałosia prajści ŭ budynak abładministracyi, tamu što prachod dalej błakujecca milicyjaj. U vyniku «siesija» była praviedziena prama ŭ viestybiuli. Tam abviaścili ab niekalkich rašeńniach.
«Vykonvajučy abaviazki Charkaŭskaha abłasnoha savieta»Saviet deputataŭ charkaŭskaj terytaryjalnaj hramady»(tak nazyvajuć svoj orhan sieparatysty) pryniaŭ rašeńnie ab stvareńni suvierennaj dziaržavy pad nazvaj «Charkaŭskaja narodnaja respublika», jakaja «budzie budavać adnosiny ź inšymi dziaržavami ŭ adpaviednaści ź mižnarodnym pravam». Heta rašeńnie ŭstupaje ŭ siłu paśla zaćviardžeńnia na ahulnaabłasnym riefierndumie.
Akramia taho, pryniata rašeńnie źviarnucca da prezidenta Ukrainy Viktara Janukoviča z tym, kab jon lehitymizavaŭ hety schod i jaho dakumienty, a taksama da ŭrada Rasijskaj Fiederacyi z prośbaj zabiaśpiečyć mirnaje praviadzieńnie ŭ Charkaŭskaj vobłaści riefierndumu ŭ jakaści pasiarednika.
