44-hadovaja žančyna asudžanaja na 4,5 hady pazbaŭleńnia voli z adbyćciom pakarańnia ŭ papraŭčaj kałonii va ŭmovach ahulnaha režymu.
Jaje pryznali vinavataj u «niezakonnych dziejańniach u adnosinach vybuchovych rečyvaŭ» i «asabliva złosnym chulihanstvie». Nie ŭdakładniajecca, čamu svoj chulihanski ŭčynak žančyna ździejśniła kala budynka KDB.
Jak paviedamlałasia raniej, vybuch kala budynka UKDB pa Viciebskaj vobłaści adbyŭsia 11 listapada 2012 hoda. Abvinavačańnie ŭ arhanizacyi vybuchu vystavili raniej sudzimaj viciablancy. Jaje abvinavacili ŭ asabliva złosnym chulihanstvie. U dziejańniach abvinavačanaj śledčyja ŭhledzieli «vyklučna chulihanski matyŭ».
Padčas papiaredniaha śledstva žančyna całkam pryznała vinu ŭ złačynstva, pryniała ŭdzieł u śledčym ekśpierymiencie. Jak infarmujuć śledčyja, jana padrabiazna apisała miechanizm vyrabu vybuchovaha prystasavańnia, a taksama pry ŭdziele paniatych i na videazapis paetapna apisała paradak dziejańniaŭ na miescy złačynstva.
U ramkach rasśledavańnia praviedziena bolš za 700 dopytaŭ, kala 270 sudovych ekśpiertyz, u tym liku z dapamohaj ekśpiertnaj słužby Śledčaha kamiteta Rasii.
