Basmanny sud Maskvy praciahnuŭ da 14 lipienia chatni aryšt eks-hiendyrektaru «Urałkalija», abvinavačanamu ŭ złoŭžyvańni paŭnamoctvami.
Takim čynam, Baŭmhiertnier praviadzie pad chatnim aryštam siem miesiacaŭ.
Byłoha hiendyrektara «Urałkalija» aryštavali ŭ Minsku ŭ žniŭni 2013 hoda. Tut jaho abvinavacili ŭ złoŭžyvańni ŭładaj i słužbovymi paŭnamoctvami. 22 listapada Baŭmhiertniera ekstradziravali ŭ Rasiju i źmiaścili ŭ adno z maskoŭskich SIZA. 10 śniežnia jon byŭ pieraviedzieny pad chatni aryšt.
Sud dazvoliŭ jamu viečarovyja dvuchhadzinnyja prahułki ŭ horadzie, ale zabaraniŭ biez dazvołu śledčaha vychodzić za miežy žyłoha pamiaškańnia i kantaktavać ź lubymi asobami, akramia blizkich svajakoŭ.
U Rasii Baŭmhiertniera vinavaciać u złoŭžyvańni słužbovymi paŭnamoctvami, što paciahnuła ciažkija nastupstvy.
