Kursy pa vyvučeńni movy śpiarša byli arhanizavanyja jak minskija.
Paśla jany prajšli ŭ Babrujsku, Hrodna, Baranavičach, Niaśvižy, a taksama ŭ polskim Krakavie.
Inicyjatyva ŭ arhanizacyi takich kursaŭ u paŭnočnaj stalicy Rasii naležała Kłubu biełarusaŭ Sankt-Pieciarburha. Ich anansavali mienavita jak «Movy nanova».
Pieršaja sustreča prajšła ŭ sklapieńni kaścioła Uśpieńnia Najśviaciejšaj Dzievy Maryi.
Ale paśla dyskusii prysutnyja vyrašyli nie ŭžyvać brend «Mova nanova». Arhanizatary tłumačać, što nie chočuć uvodzić u zman ludziej. Maŭlaŭ, u Sankt-Pieciarburhu buduć prachodzić nie moŭnyja kursy, a kulturna-aśvietnickija sustrečy.
Mova budzie ŭsiaho tolki adnym ź ich błokaŭ. Taksama buduć pradstaŭleny i litaratura, i historyja, i kino. Budzie prezientavacca niejkaje knižnaje vydańnie, adbyvacca viktaryna pa redkiCh słovaCh.
Pieršaja sustreča była pryśviečana abmierkavańniu pieśni, jakaja vartaja stać Himnam sučasnaj Biełarusi. Pasłuchaŭšy dzieviać varyjantaŭ, bolšaść sankt-pieciarburhskich biełarusaŭ (kala 60% hałasoŭ) schiliłasia da «Pahoni» Maksima Bahdanoviča.
Druhuju i treciuju pazicyi zaniali «My vyjdziem ščylnymi radami» i «Mahutny Boža».
Zhodna z zadumaj arhanizataraŭ, nastupnaja sustreča, zapłanavanaja na 12 krasavika, budzie pryśviečana navatvoram u maŭleńni. Płanujucca dyskusii pra ŭpłyŭ inšych movaŭ na biełaruskuju, pra zapazyčańni i madernovyja słovy, pra kirylicu i łacinku, a taksama pra nienarmatyŭnuju leksiku biełaruskaj movy. Nastupnyja sustrečy buduć pryśviečanyja śpieŭnaj, tancavalnaj i teatralnaj tradycyi biełarusaŭ.
12 krasavika arhanizatary źbirajucca abmierkavać nazvu dla prajekta.
Ale biełarusy Sankt-Pieciarburha padkreślivajuć, što buduć karystacca raspracoŭkami «Movy nanova». Tamu jak by nazyvalisia sustrečy, jany šmat u čym nahadvajuć minski prajekt.
Sustrečy adbyvajucca ŭ Sankt-Pieciarburhu, vulica 1-ja Čyrvonaarmiejskaja d.11.
