Pasoł Ukrainy ŭ Biełarusi Michaił Ježel viarnuŭsia ŭ Minsk 10 krasavika paśla kansultacyj u Kijevie, paviedamili va ŭkrainskim dyppradstaŭnictvie.
Nahadajem, Ježel źjechaŭ na kansultacyi 25 sakavika. Padstavaj dla adklikańnia dypłamata ŭ Kijeŭ stali vykazvańni Alaksandra Łukašenki, jaki, hutaryčy z žurnalistami 23 sakavika, nazvaŭ Krym častkaj Rasii. «Krym nie źjaŭlajecca niezaležnaj dziaržavaj, jak taja ž Asiecija, Abchazija i hetak dalej. Krym siońnia — častka terytoryi Rasijskaj Fiederacyi. Možna pryznavać heta ci nie pryznavać, ale ad hetaha ničoha nie źmienicca», — skazaŭ Łukašenka.
Adnačasova z adklikańniem svajho pasła MZS Ukrainy nakiravaŭ biełaruskamu boku notu, u jakoj, u pryvatnaści, kazałasia: takija vykazvańni prezidenta Respubliki Biełaruś iduć nasupierak z ahulnapryznanymi normami mižnarodnaha prava i pazicyjaj bolšaści krain śvietu, jakija asudzili dziejańni Rasii adnosna anieksii Kryma.
Biełaruskaje MZS svajho pasła z Kijeva nie adklikaŭ, bo «nie bačyła ŭ hetym nieabchodnaści».
