Prakuratura Bresckaj vobłaści nakiravała dla razhladu ŭ sud kryminalnuju spravu ŭ dačynieńni da žychara Sankt-Pieciarburha pa fakcie kantrabandy narkatyčnych srodkaŭ i ich niezakonnaha abarotu z metaj zbytu ŭ bujnym pamiery.
Jak paviedamiŭ BiełaPAN staršy pamočnik prakurora Bresckaj vobłaści pa nahladzie za vykanańniem zakanadaŭstva ab dziaržaŭnaj biaśpiecy Eduard Pryłucki, 5 śniežnia 2013 hoda 46-hadovy rasijanin sprabavaŭ uvieźci ŭ Biełaruś praz punkt propusku «Varšaŭski most» 87 kh 281,34 h hašyšu. Sprasavany ŭ brykiety hašyš byŭ schavany ŭ śpiecyjalna abstalavanych tajnikach u aŭtamabili «Folksvahien-Pasat».
Upraŭleńniem KDB pa Bresckaj vobłaści, jakim pravodziłasia rasśledavańnie hetaj kryminalnaj spravy, dziejańni žychara Sankt-Pieciarburha kvalifikavanyja pa č. 2 art. 228 i č. 3 art. 328 KK.
Mieru pakarańnia abvinavačvanamu vyznačyć sud Maskoŭskaha rajona Bresta.
