Siamja adchilenaha ad pasady prezidenta Viktara Janukoviča da hetaha času kantraluje ŭsio kiraŭnictva milicyi Uschodu Ukrainy.
Ab hetym zajaviŭ eks-ministr unutranych spraŭ Ukrainy, Juryj Łucenka ŭ efiry «5-ha kanała».
«Nam supraćstaić poŭnamaštabny płan pa destabilizacyi z nastupnym adździaleńniem ad krainy vielmi važnaha rehijonu. Vykarystoŭvajuć jaho rasijskija śpiecsłužby, centry jakich — heta ŭžo nie sakret — u Łuhansku i Paŭnočnadaniecku», — adznačyŭ jon.
Łucenka ličyć, što na Uschodzie Ukrainy rasijskija śpiecsłužby abapirajucca na siłavikoŭ, na jakich da hetaha času ŭpłyvajuć pradstaŭniki raniejšaj ułady.
«Z 2010 hoda ŭsio kiraŭnictva abłasnych upraŭleńniaŭ milicyi i ich namieśnikaŭ ŭzhadniaŭ asabista starejšy syn Janukoviča, jaki staviŭ im zadačy i dapłočvaŭ im u kanviertach. U Danieckaj, Charkaŭskaj, Łuhanskaj, Zaparožskaj i Dnieprapiatroŭskaj abłaściach jon rabiŭ heta da namieśnikaŭ načalnikaŭ rajadździełaŭ», — adznačyŭ eks-kiraŭnik MUS.
«Ciapier takaja dapłata pavialičana ŭ razy», — patłumačyŭ Łucenka.
Takim čynam, śćviardžaje palityk, milicyja Danieckaj vobłaści tatalna paskuplanaja i słužyć vyklučna siamji Janukoviča.
