Forvard «Vašynhton Kepitałs» Alaksandr Aviečkin paćvierdziŭ, što jon zhulaje za zbornuju Rasii na čempijanacie śvietu 2014 hoda, jaki projdzie z 9 pa 25 maja ŭ Biełarusi [Biełaruś i Rasija hulajuć u adnoj hrupie, matčy projduć na «Minsk-Arenie» — NN].
Chakieist zrabiŭ hetuju zajavu ŭ razmovie z žurnalistam Dźmitryjem Časnakovym, pra što toj napisaŭ u svaim tvitery.
Pa słovach Aviečkina, jon užo razmaŭlaŭ z hałoŭnym trenieram zbornaj Rasii Aleham Znarkom. Razam z kapitanam «Vašynhtona» ŭ nacyjanalnuju kamandu Rasii pryjeduć jaho adnakłubniki — forvard Jaŭhien Kuźniacoŭ i abaronca Dźmitryj Arłoŭ.
Rehularny čempijanat NCHŁ skončyŭsia ŭ noč na 14 krasavika, a «Vašynhton» upieršyniu z 2007 hoda nie zdoleŭ vyjści ŭ płej-of. Aviečkin čaćviorty raz u karjery staŭ najlepšym snajpieram rehularnaha čempijanatu, zakinuŭšy 51 šajbu.
