Biełaruś maje admovicca ad impartu fruktova-jahadnych napaŭnialnikaŭ. Pra heta zajaviŭ žurnalistam premjer-ministr Michaił Miaśnikovič, naviedvajučy Staŭpieckuju filiju AAT «Haradziejski cukrovy kambinat», pieradaje karespandent BIEŁTA.
Na praciahu 2013 była praviedziena poŭnaja rekanstrukcyja zavoda (prytym što ŭ 2010 hodzie rekanstrukcyja tut užo pravodziłasia). Jana abyšłasia prykładna ŭ Br40 młrd. Zakuplena ŭstanoŭka dla vytvorčaści fruktova-jahadnych napaŭnialnikaŭ i ich raźlivu. Paśla praviedzienaj madernizacyi na Staŭpieckaj filii Haradziejskaha cukrovaha kambinata pry pracy ŭ dźvie źmieny vypuskajuć 3 tys. t fruktova-jahadnych napaŭnialnikaŭ, u try źmieny — amal 4 tys. t.
«Takoje pradpryjemstva — adno ŭ respublicy i faktyčna vyrašaje respublikanskuju prablemu. My letaś zavieźli pa imparcie 4,5 tys. t napaŭnialnikaŭ. Jość płoščy, dzie možna pašyryć vytvorčaść, i, takim čynam, całkam vyrašyć patrebu krainy», — adznačyŭ premjer-ministr.
