Tempy rostu ekanomiki Rasii ŭ pieršym kvartale 2014 zamarudzilisia, pavodle papiarednich źviestak, da ŭzroŭniu kala 1 pracenta, skazaŭ na kalehii Minfina premjer-ministr RF Dźmitryj Miadźviedzieŭ.
U 2013 hodzie VUP Rasii vyras na 1,3%.
«Ekanamičnaja situacyja praciahvaje horšać i, pavodle papiarednich źviestak, u pieršym kvartale tempy rostu ekanomiki zamarudzilisia da ŭzroŭniu pryblizna 1 pracenta», — skazaŭ jon.
«Vidavočna, što siarod hałoŭnych čyńnikaŭ — skančeńnie cykłu rostu suśvietnych cenaŭ na enierhanośbity. Choć jany stabilizavalisia na vielmi prystojnym dla našaj krainy uzroŭni. Tym nie mienš, ryzyki rezkich vahańniaŭ vyklučać nielha… Što b tam ni kazali, ale słancavaja revalucyja naŭprost adbivajecca na finansavych pakazčykach asnoŭnych enierhadziaržaŭ śvietu».
Adnoj z hałoŭnych pahroz dla ekanomiki Rasii Miadźviedzieŭ ličyć palityčnyja ryzyki.
«Siarod asnoŭnych ryzyk — rost niavyznačanaści na suśvietnych finansavych rynkach… Zamiežnaje fandavańnie, jakoje ŭžyvali bujnyja ajčynnyja kampanii i banki, schłopvajecca, u tym liku i ŭ siłu palityčnych mierkavańniaŭ. My nie možam nie brać pad uvahu palityčny składnik biahučaha pieryjadu. U peŭnaj stupieni našy składanaści abumoŭleny sproby peŭnych siłaŭ padšturchnuć nas da štučnaha kryzisu», — skazaŭ Miadźviedzieŭ.
Ministr finansaŭ Anton Siłuanaŭ vykazaŭ u aŭtorak tyja ž pieraściarohi: «Umovy, u jakich pryjdziecca pracavać u 2014 hodzie, — samyja składanyja z momantu kryzisu 2008—2009 hadoŭ. Rost VUP aceńvajecca na dosyć nizkim uzroŭni 0,5%, a mahčyma, i kala nula. Isnujuć ryzyki źnižeńnia cen na naftu. Pry hetym cana nafty, jakaja bałansuje biudžet, skłała $113 za barel u 2013 hodzie».
