Partyja rehijonaŭ sklikaje na siońnia, 16 krasavika, nadzvyčajny źjezd deputataŭ usich uzroŭniaŭ Danieckaj vobłaści. Pra heta paviedamili ŭ pres-słužbie abłasnoj arhanizacyi partyi.
«Vybranyja pramym hałasavańniem žycharoŭ Danieckaj vobłaści deputaty sielskich, pasiałkovych, haradskich, rajonnych, abłasnoha savieta i Viarchoŭnaj rady Ukrainy majuć lehitymnyja paŭnamoctvy pradstaŭlać terytaryjalnyja hramady Danieckaj vobłaści i źjaŭlajucca adzinymi paŭnapraŭnymi vyraźnikami mierkavańnia žycharoŭ Danieččyny», — paviedamili ŭ pres-słužbie.
Źjezd pavinien abjadnać asnoŭnyja patrabavańni žycharoŭ rehijonu i vyłučyć ich centralnym orhanam ułady.
«Heta decentralizacyja ŭłady: pramyja vybary hubiernatara, pašyreńnie paŭnamoctvaŭ dla rehijonu, u tym liku biudžetnaja aŭtanomija, a taksama dziaržaŭny status rasijskaj movy. Naša meta — abaranić intaresy Danbasa, praduchilić raskoł Ukrainy i spynić dalejšaje krovapralićcie», — zajavili ŭ pres-słužbie.
