U Baranavičach aktyvista prafsajuza REP Ryhora Hryka prymusili zvolnicca z pracy.
Jak paviedamiŭ Hryk, z 1 lutaha 2013 hoda jon pracavaŭ štampoŭščykam na pradpryjemstvie «Saŭmatbud». 1 lutaha 2014 hoda ź im byŭ pradoŭžany pracoŭny kantrakt jašče na hod.
«U krasaviku mnie prapanavali zvolnicca z pracy, choć ja nie mieŭ nijakich narakańniaŭ z boku administracyi, — skazaŭ Hryk. — Jak ja zrazumieŭ, z kiraŭnictvam pradpryjemstva pa hetym pytańni była praviedziena adpaviednaja praca. I ja byŭ vymušany napisać zajavu pra zvalnieńnie pa damoŭlenaści bakoŭ. 14 krasavika taki zahad byŭ padpisany».
Hryk, jaki na vybarach u miascovyja saviety byŭ kandydatam u deputaty Baranavickaha harsavieta Bresckaha abłasnoha savieta, rasceńvaje heta jak nacisk na jaho z boku ŭład.
Aktyvist adznačyŭ, što paśla parłamienckich vybaraŭ 2008 hoda, kali jon byŭ kandydatam u deputaty, ź im nie pradoŭžyli kantrakt na Baranavickim vytvorčym bavaŭnianym abjadnańni. A ŭ 2010 hodzie paśla vybaraŭ u miascovyja saviety, na jakich jon bałatavaŭsia ŭ deputaty harsavieta, ź im nie pradoŭžyli kantrakt u vahonnym depo.
