U Biełarusi vyznačany pieralik piedahahičnych śpiecyjalnaściaŭ, na jakija miedalisty i pieramožcy alimpijad mohuć pastupać biez ekzamienaŭ. Adpaviednaja pastanova Ministerstva adukacyi ad 7 krasavika 2014 h. №30 «Ab ustanaŭleńni pieraliku piedahahičnych śpiecyjalnaściaŭ, pry pastuplenni na jakija zaličvajucca biez ustupnych vyprabavańniaŭ asobnyja katehoryi abituryjentaŭ» apublikavanaja na Nacyjanalnym pravavym partale.
Dadatak da pastanovy vyznačaje pieralik piedahahičnych śpiecyjalnaściaŭ, pry pastuplenni na jakija zaličvajucca biez ustupnych vyprabavańniaŭ pieramožcy (dypłomy I, II, III stupieni) treciaha (abłasnoha, Minskaha haradskoha) etapa respublikanskaj alimpijady pa vučebnych pradmietach, praviedzienaj Minadukacyi ŭ navučalnym hodzie, dla jakich dadzieny pradmiet vyznačany pradmietam pieršaha profilnaha ispytu, a taksama asoby, ŭznaharodžanyja załatym, siarebranym miedalom abo tyja, jakija skončyli ŭstanovy siaredniaj śpiecyjalnaj adukacyi z dypłomam z adznakaj.
Jak paviedamiła pres-sakratar Ministerstva adukacyi Julija Vanina, dla pastupleńnia na šerah piedahahičnych śpiecyjalnaściaŭ biez ekzamienaŭ vyšejpieraličanym katehoryjam abituryjentaŭ treba budzie pradastavić u pryjomnuju kamisiju ŭstanovy vyšejšaj adukacyi rekamiendacyju piedahahičnaha savieta ŭstanovy adukacyi, jakoje jany skončyli.
U pieralik śpiecyjalnaściaŭ ŭvajšli tak zvanyja vostradeficytnyja śpiecyjalnaści, zapatrabavanyja ŭ ciapierašni čas u respublicy:
daškolnaja i pačatkovaja adukacyja, historyja i hramadaznaŭčyja dyscypliny, bijałohija, chimija, hieahrafija, matematyka, infarmatyka, fizika, techničnaja tvorčaść, biełaruskaja mova i litaratura, ruskaja mova i litaratura, techničnaja praca i pradprymalnictva, absłuhoŭvajučaja praca, vyjaŭlenčaje mastactva, łahapiedyja, surdapiedahohika, tyfłapiedahohika, alihafrenapiedahohika, sacyjalnaja piedahohika i inš.
Usiaho ŭ śpisie 22 śpiecyjalnaści, ź imi možna aznajomicca na partale Ministerstva adukacyi.
Pry praviadzieńni ustupnaj kampanii ŭ hetym hodzie vyrašana zrabić upor na profilnuju, prafiesijnuju padrychtoŭku abituryjentaŭ, na adbor tych, chto razumieje i viedaje, navošta jon abraŭ dla siabie tuju ci inšuju śpiecyjalnaść. Heta miera daść mahčymaść vykanać daručeńnie kiraŭnika dziaržavy ab pavyšeńni patrabavańniaŭ da adboru abituryjentaŭ va ŭstanovy vyšejšaj adukacyi na piedahahičnyja śpiecyjalnaści.
