Prezident Biełarusi Alaksandr Łukašenka nakiravaŭ pryvitańnie ŭdzielnikam XXI Mižnarodnaha śpiecyjalizavanaha forumu pa telekamunikacyjach, infarmacyjnych i bankaŭskich technałohijach «TIBO-2014» i XVIII Mižnarodnaj śpiecyjalizavanaj vystavy «ŚMI ŭ Biełarusi». Ab hetym BiełTA paviedamili ŭ pres-słužbie kiraŭnika dziaržavy.
Darahija siabry!
Vitaju haściej i ŭdzielnikaŭ forumu «TIBO-2014» i vystavy «ŚMI ŭ Biełarusi».
Za apošnija niekalki dziesiacihodździaŭ infarmacyjnyja technałohii całkam źmianili abličča sučasnaha śvietu, adkryŭšy pierad čałaviectvam niabačanyja raniej mahčymaści. Niezdarma ciapierašni etap raźvićcia cyvilizacyi tak i nazyvajecca — «infarmacyjnaje hramadstva».
Biełaruś vyznačyła ambicyjnuju zadaču ŭ najbližejšyja hady stać lidaram va Uschodniaj Jeŭropie ŭ raźvićci «ličbavaj ekanomiki».
Asnovaj našaha pośpiechu, upeŭnieny, buduć dasiahnieńni talenavitych biełaruskich navukoŭcaŭ, inžynieraŭ, prahramistaŭ i pradprymalnikaŭ, pradstaŭlenyja na placoŭcy «TIBO- 2014».
Simvalična, što forum «TIBO -2014» i vystava «ŚMI ŭ Biełarusi» prachodziać razam. Pa-za Internetam tradycyjnyja ŚMI siońnia ŭžo niemahčyma sabie ŭjavić. Vidavočna, što aktyŭnaje prasoŭvańnie inavacyjnych technałohij u ajčynnuju miedyjaśfieru — padmurak jaje pośpiechu.
Ad usioj dušy žadaju ŭdzielnikam i haściam hetych mierapryjemstvaŭ jak maha chutkaha dasiahnieńnia namiečanych metaŭ i plonnaj pracy na karyść biełaruskaha naroda.
Alaksandr Łukašenka.
