Kryminalnaja sprava za pahrozu zabojstvam raspačata ŭ Iŭjeŭskim rajonie ŭ dačynieńni da 80-hadovaj žančyny.
Jak paviedamili va UUS Hrodzienskaha abłvykankama, 42-hadovaja žycharka znachodziłasia ŭ siabie na kuchni, kali tudy ŭvajšła śviakroŭ. Jana stała pradjaŭlać pretenzii z-za taho, što, na jaje dumku, u katletach niedastatkova miasa. Paśla hetaha schapiła kuchonny nož, prystaviła jaho da žyvata niaviestki, pahražajučy adpravić jaje na toj śviet.
U situacyju ŭmiašałasia ŭnučka. Dziaŭčyna zdoleła ŭhavaryć sastarełuju žančynu nie rabić hłupstvaŭ, paśla čaho akuratna nabrała numar «102».
U milicyi adznačajuć, što da kryminalnaha ŭčynku piensijanierka išła na praciahu niekalkich miesiacaŭ. Pierajechaŭšy ŭ dom da syna, jana časta skandaliła, staviačy svajakam u paprok toje, što za joj nichto nie hladzić.
