22 krasavika pa amierykanskaj inicyjatyvie adbyłasia telefonnaja razmova ministra zamiežnych spraŭ RF Siarhieja Łaŭrova i Dziaržsakratara ZŠA Džona Kiery, havorycca na sajcie rasijskaha MZS.
Łaŭroŭ asabliva padkreśliŭ nieabchodnaść terminovych dziejańniaŭ ciapierašnich kijeŭskich uładaŭ z metaj sumlennaha vykanańnia damoŭlenaściej u Ženievie ad 17 krasavika:
admieny zahadaŭ ab vykarystańni armii suprać nasielnictva, razzbrajeńnia bajevikoŭ «Pravaha siektara» i «inšych ultranacyjanalistyčnych farmiravańniaŭ», vyzvaleńnia z-pad aryštu i spynieńnia pieraśledu aktyvistaŭ pratestnaha ruchu ŭ paŭdniova-ŭschodnich rehijonach i zapusku nie na słovach, a na spravie ŭsieabdymnaj kanstytucyjnaj reformy.
Kiery śćviardžaŭ, što ciapierašnija kijeŭskija kiraŭniki ŭžo abviaścili ab nieabchodnych krokach pa nazvanych napramkach, adnak kankretnych faktaŭ, jakija paćviardžajuć pieravod hetych dekłaracyj u praktyčnuju płoskaść nie pryvioŭ, śćviardžajecca ŭ zajavie rasijskaha MZS.