Dyrektar TAA «Brest-Travy» aryštavany za atrymańnie chabaru ŭ 48 tys. jeŭra. Pra heta paviedamili va ŭpraŭleńni ŭnutranych spraŭ Bresckaha abłvykankama.
Supracoŭniki UBEP pravodzili apieratyŭna-vyšukovyja mierapryjemstvy pa supravadžeńni dziaržaŭnych zakupak, jakija ažyćciaŭlajucca za košt biudžetnych srodkaŭ. Było ŭstanoŭlena, što dyrektar TAA «Brest-Travy», źjaŭlajučysia słužbovaj asobaj, a taksama asobaj, upaŭnavažanaj na praviadzieńnie jurydyčna značnych dziejańniaŭ, ź lipienia pa vierasień 2013 na terytoryi Bresta atrymaŭ ad kiraŭnicy pradstaŭnictva niamieckaj kampanii chabar u pamiery 48 tys. jeŭra, što pa kursie Nacbanka skłała 458,8 młn rubloŭ.
Hrošy mierkavalisia za spryjalnaje vyrašeńnie pytańnia zaklučeńnia i vykanańnia kantraktu na pastaŭku ŭ adras TAA «Brest-Travy» sušylnaha kompleksu dla kijachoŭ kukuruzy PETKUS i siami kambajnaŭ Bourgon koštam 7 młn 259 tys. 162 jeŭra. Hetaja sielhastechnika była zakuplena tavarystvam z dapamohaj praviadzieńnia tenderu za košt hrašovych srodkaŭ, vydatkavanych z respublikanskaha biudžetu dla praviadzieńnia madernizacyi vytvorčaści kukuruzakalibrovačnaha zavoda TAA «Brest-Travy « i finansavańnia zakupki impartnaj techniki.
22 krasavika raspačata kryminalnaja sprava pa č. 3 art. 430 Kryminalnaha kodeksa.