Ad 6 da 10 maja ŭ dackim Kapienhahienie ŭ załach B&W projdzie 59-y konkurs pieśni «Jeŭrabačańnie».
Usiaho prymuć udzieł 37 krain. Polšča i Partuhalija viarnulisia ŭ konkurs, a voś Bałharyja, Kipr, Sierbija i Charvatyja, naadvarot, admovilisia.
Viadučyja bukmiekierskija kantory śvietu ŭžo siońnia prymajuć staŭki na pieramožcu «Jeŭrabačańnia». Biezumoŭnym lidaram stanovicca 30-hadovy armianski śpiavak Aram Mp3 (sapraŭdnaje imia Aram Sarkisian), jaki vykanaje pieśniu Not Alone (Nie adna).
Bolšaść bukmiekieraŭ nastolki ŭpeŭnienyja ŭ pieramozie Arama, što prymajuć staŭki na jaho ŭsiaho kryšačku bolš za 1. Naprykład, 6 da 5, ci 7 da 4. Armienija raniej nikoli nie pieramahała na «Jeŭrabačańni».
Na druhim miescy idzie šviedskaja błandzinka Sanna Nilsan, jakaja vykanaje pieśniu Undo (Admianić). Staŭki na jaje prymajucca ŭ rajonie 2,5-3 da 1.
A voś na trecim miescy tak by mović haspadar placoŭki. Śpiavak Basim pradstaŭlaje Daniju. Jamu 21 hod, a rodam z Maroka. Kali pieramoža Basim, to toj, chto na jaho pastavić, uzbahacicca ŭ 8-9 razoŭ.
Biełaruski śpiavak Tea znachodzicca dzieści naprykancy śpisa. Bukmiekiery zusim nizka aceńvajuć jaho šancy na pieramohu, prymajučy staŭki ŭ dyjapazonie 100-300 da 1.
