«Pavodle apieratyŭnych źviestak hrupy «Infarmacyjny cupraciŭ», nočču ŭ Danieckaj vobłaści adbyłosia čarhovaje bajavoje sutyknieńnie.
Niekalki dziasiatkaŭ ekstremistaŭ, uzbrojenych aŭtamatyčnaj zbrojaj i hranatamiotami, napali na składy sa zbrojaj u Arciomaŭsku», — paviedamiŭ u fejsbuku kiraŭnik centra vajenna-palityčnych daśledavańniaŭ Dźmitryj Tymčuk.
Ukrainskija vajskoŭcy dali adpor nalotčykam: sustreŭšy ŭzbrojeny supraciŭ, ekstremisty raźbiehlisia.
Pavodle papiarednich źviestak, jość paranienyja.
Pavodle infarmacyi Navin Danbasa, u 5.20 ranicy ŭ balnicu dastavili vajskoŭca kantraktnaj słužby z ranieńniem u tvar. Paciarpiełamu akazana dapamoha.
Stan 27-hadovaha pacyjenta miedyki aceńvajuć jak siaredniaj ciažkaści.
0
0
0
0
0
0
