Pucin raźviazaŭ chałodnuju vajnu, ale šancaŭ jaje vyjhrać u ciapierašniaj Rasii niama, ličyć rasiejski apazicyjanier Barys Niamcoŭ.
«Svajoj niepradumanaj ahresiŭnaj palitykaj Pucin pačaŭ chałodnuju vajnu z Zachadam i Ukrainaj. Pačaŭšy vajnu na macierykovaj častcy Ukrainy, Rasija zaraz apynułasia ŭ poŭnaj mižnarodnaj izalacyi. Heta adšturchnuła ŭkrainski narod, jaki ŭsio bolš hladzić u bok NATA. Pry takim stanoviščy rečaŭ vajennyja bazy z tankami NATA mohuć apynucca dzie-niebudź pad Charkavam, a mahčyma, uvojduć i ŭ Biełaruś», — zajaviŭ jon u kamientary Gordonua.com.
Rasiejski palityk pierakanany, što vyjhrać hetuju chałodnuju vajnu u Pucina nie vyjdzie, pakolki, u adroźnieńnie ad papiaredniaj chałodnaj vajny, siły supraćlehłych bakoŭ zanadta niaroŭnyja.
«U adroźnieńnie ad papiaredniaj chałodnaj vajny, ciapier niama ekanamičnaha parytetu. Ekanomika Rasiei ŭ razy słabiejšaja za ekanomiki zachodnich krain i Kitaja. Hrošaj nie chapaje navat na lačeńnie ankachvorych dziaciej u Jarasłaŭskaj vobłaści. Tamu avanturnaja palityka Pucina pryviadzie da krachu jahonaha režymu», - skazaŭ na zakančeńnie Barys Niamcoŭ.
U svaim Facebook Niamcoŭ iranična prakamientavaŭ pazicyju prezidenta RF Uładzimira Pucina, jaki zajaviŭ, što vykarystańnie ŭkrainskaj armii suprać sieparatystaŭ — heta złačynstva.
«A kali jon (Pucin - Gordonua.com) uvodziŭ vojski ŭ 1999 ŭ Čačniu i Dahiestan, kab pieramahčy sieparatyzm, heta jak nazyvałasia? Złačynstva ci antyterarystyčnaja apieracyja?» - pytajecca palityk.
