U Słaviansku terarysty zachapili aŭtobus z pradstaŭnikami ABSIE.
Jak paviedamili UNIAN va Ŭpraŭleńni pa suviaziach z hramadskaściu MUS Ukrainy, zakładniki znachodziacca ŭ pamiaškańni miascovaha USBU.
U ciapierašni čas praciahvajucca pieramovy z pradstaŭnikami prarasiejskich siłaŭ. Jany admovilisia vyzvalać zakładnikaŭ, matyvujučy heta nieabchodnaściu ich znosin z kampietentnymi orhanami Rasijskaj Fiederacyi, prainfarmavali ŭ MUS.
Pa dadzienych USO, siońnia, 25 krasavika, u 11.40 na ŭjeździe ŭ h. Słaviansk z boku h. Kramatorsk nieviadomyja spynili aŭtobus z 13 pasažyrami. Siarod ich byli 7 pradstaŭnikoŭ ABSIE, 5 pradstaŭnikoŭ Uzbrojenych sił Ukrainy i kiroŭca transpartnaha srodku.
Jak paviedamlałasia raniej, siońnia ŭ Danieckaj vobłaści źnikła suviaź z členami misii ABSIE.