Zaŭziatary zbornaj Rasii ŭ dzień adkryćcia čempijanatu śvietu pa chakiei chočuć adznačyć Dzień Pieramohi prachodam arhanizavanaj kałonaj pa vulicach Minska.
78-y čempijanat śvietu startuje 9 maja. Zaŭziatary zbornaj Rasii nie źbirajucca ihnaravać pamiatnuju datu. Jak paviedamiŭ prezident Kłuba zaŭziataraŭ Russia Unites Eduard Łatypaŭ, u hety dzień pa vulicach Minska zaŭziatary projduć arhanizavanaj kałonaj i prymuć udzieł u zapłanavanych miascovymi ŭładami mierapryjemstvach.
«Adkryćcio čempijanatu śvietu ŭ hetym hodzie traplaje na 9 maja. Tradycyjna my ładzim mierapryjemstvy, pryśviečanyja Dniu Pieramohi. Jak raz 9 maja płanujem arhanizavać kałonu rasijskich zaŭziataraŭ i paŭdzielničać u mierapryjemstvach u Minsku. Zaraz viadziem pieramovy z hetaj nahody z pasolstvam RF u Biełarusi, i ź Minharvykankamam, jaki zajmajecca arhanizacyjaj čempijanatu śvietu», — paviedamiŭ Łatypaŭ
Pra toje, u jakim farmacie projdzie śviatkavańnie Dnia Pieramohi i pra miesca zboru zaŭziataraŭ Łatypaŭ abiacaje paviedamić paźniej.
