Pastajanny pradstaŭnik Ukrainy pry AAN Juryj Siarhiejeŭ, vystupajučy na pasiadžeńni Rady biaśpieki AAN, daŭ zrazumieć, što Rasija datyčnaja da zamachu na mera Charkava Hienadzia Kierniesa.
Pra heta havorycca ŭ paviedamleńni pres-słužby AAN.
Siarhiejeŭ padkreśliŭ, što mnohija členy niezakonnych uzbrojenych hrup na ŭschodzie Ukrainy źjaŭlajucca hramadzianami Rasijskaj Fiederacyi i navat nie sprabujuć schavać hetaha, publična pakazvajučy svaje paśviedčańni.
Pa słovach pastajannaha pradstaŭnika, «ukrainskija pravaachoŭnyja orhany majuć dakładnyja dokazy datyčnaści nazvanych asob da ździajśnieńnia ciažkich złačynstvaŭ».
«U suviazi z hetym Siarhiejeŭ raspavioŭ u detalach ab žorstkich zabojstvach na ŭschodzie Ukrainy, u tym liku zabojstva Uładzimira Rybaka. Pasoł źviarnuŭ uvahu da napadu na mera Charkava», — adznačajecca ŭ paviedamleńni.