19.46
Padčas tranślacyi adeski telekanał zafiksavaŭ, jak sieparatyst stralaŭ pa ŭdzielnikach praŭkrainskaj akcyi z dachu handlovaha centra.
19.38
Kolkaść zahinułych padčas masavych biesparadkaŭ u Adesie vyrasła da 4 čałaviek, paviedamili ahienctvu «Interfaks-Ukraina» ŭ pres-słužbie haradskoha ŭpraŭleńnia milicyi.
Adzin ź ich pamior, atrymaŭšy kulu ŭ lohkaje, što było pryčynaj śmierci jašče troch čałaviek vyśviatlajecca.
Pa stanie na 19.00 prychilniki adzinaj Ukrainy razahnali apanientaŭ i ciapier vyłoŭlivajuć asobnyja hrupy pa ŭsim centry Adesy.
Milicyja pa fakcie masavych biesparadkaŭ u Adesie pačatku kryminalnaja vytvorčaść pa častcy 2 artykuła 294 KK (masavyja biesparadki).
19.09
U Adesie paśla časovaha zacišša adnavilisia sutyknieńni prychilnikaŭ adzinstva Ukrainy i sieparatystaŭ.
U centry horada, u rajonie Hrečaskaj płoščy — stralajuć. Jak paviedamiŭ adzin z aktyvistaŭ Jevromajdanu, u sieparatystaŭ jość traŭmatyčnaja i ahniastrelnaja zbroja, u tym liku - aŭtamatyčnaja. Pavodle jaho słoŭ, aktyvisty Jeŭramajdanu vyjavili niedaloka ad miesca sutyknieńnia mašynu sieparatystaŭ ź dziaržnumarami Danieckaj vobłaści, u jakoj znachodziłasia ahniastrelnaja zbroja.
Na ziamli - šmat stralanych hilzaŭ, vakoł płoščy majdanaŭcy vybudavali barykady ź śmiećcievych kantejnieraŭ, a taksama letniaj płastykavaj mebli, što staić na vulicach kala letnich kaviarniaŭ. Ciapier baki zakidvajuć adzin adnaho kamianiami, z boku antymajdanaŭcaŭ latuć «kaktejli Mołatava». Niekalki butelek z zapalnaj sumieśsiu patrapili na bałkon žyłoha doma i zaharelisia.
Fanaty zavałodali pažarnaj mašynaj, jakuju vykarystoŭvajuć dla abarony, sieparatysty aktyŭna zakidvajuć jaje «kaktejlami Mołatava». Prychilniki adzinstva Ukrainy pieryjadyčna skandujuć: «Ukraina», ich apanienty: « Rasija». Da jeŭramajdanaŭcaŭ dałučajucca vypadkovyja minaki, jakija pačuli, što jany śpiavajuć Himn Ukrainy.
Šmat paranienych - traŭmy hałavy, apioki, pierałomy. Ludziej viazuć mašyny chutkaj dapamohi.
«Milicyja dazvoliła prarasiejskim napaści na nas i stralać u nas. Choć mahła praduchilić sutyknieńnie, tym bolš, ab našym mirny marš ŭsie byli abvieščany zahadzia », - skazaŭ adzin z fanataŭ FK «Čarnamorac».
Jak paviedamili UNIAN u adździele pa suviaziach z hramadskaściu Hałoŭnaha ŭpraŭleńnia MUS u Adeskaj vobłaści, u sutyknieńni udzielničajuć z adnaho boku - fanaty adeskaha i charkaŭskaha futbolnych kłubaŭ, a taksama aktyvisty Jeŭramajdanu, z druhoha - prychilniki RF. Milicyi ŭdałosia padzialić baki žyvoj ścianoj i spynić supraćstajańnie. Potym pačałosia supraćstajańnie ŭ rajonie Hrečaskaj płoščy », - paviedamili ŭ adździele.
19.04
Milicyja paćvierdziła, što mužčyna, jaki zahinuŭ padčas siońniašnich sutyknieńniaŭ u centry Adesy, atrymaŭ ahniastrelnaje ranieńnie.
«U vyniku sutyknieńnia adzin čałaviek atrymaŭ ahniastrelnaje ranieńnie ŭ pravaje lohkaje. Paciarpiełamu była vyklikanaja chutkaja miedycynskaja dapamoha, da pryjezdu jakoj jon pamior», — paviedamlaje pres - słužba abłUUS.
Na miescy sutyknieńniaŭ byli vyjaŭlenyja dźvie hilzy kalibru 5,45 mm ad zbroi na bazie aŭtamata Kałašnikava i adna kula.
* * *
U Adesie adbyvajucca sutyknieńni miž udzielnikami praŭkrainskaha mitynhu i prarasiejskimi aktyvistami, piša «Ukrainskaja praŭda».
Kala tysiačy adesitaŭ z ukrainskimi ściahami, siarod jakich bahata futbolnych fanataŭ, sabralisia na Sabornaj płoščy. Z łozunhami «Słava Ukrainie — hierojam słava! Słava nacyi — śmierć voraham! Uschod i Zachad razam», antypucinskimi kryčałkami jany rušyli ŭ kirunku Dzierybasaŭskaj, dzie znachodziacca prarasiejskija aktyvisty, jakija vystupajuć za fiederalizacyju rehijona. Na vulicy pačulisia vybuchi ad razryvu śviatłošumavych hranat, u bok praŭkrainskaj demanstracyi palacieli dymavyja šaški.
U vyniku sutyknieńniaŭ zahinuŭ jak minimum adzin čałaviek. Taksama jość niekalki dziasiatkaŭ paciarpiełych, u tym liku i supracoŭniki milicyi.
U sieparatystaŭ u rukach — traŭmatyčnaja zbroja. Pa słovach śviedak sutyknieńniaŭ, u ich jość taksama aŭtamaty Kałašnikava. U niekalkich sieparatystaŭ u rukach mačete, u bolšaści — bity, dubinki i «kaktejli Mołatava». U centry Adesy raźbityja pryparkavanyja aŭtamabili. Milicyi pakul nie ŭdajecca adnavić paradak.
Prychilniki adzinaj Ukrainy ŭ asnoŭnym uzbrojenyja tratuarnaj plitkaj. Jak ščyty, jany vykarystoŭvajuć viečka ad śmiećcievych bakaŭ, darožnyja znaki i mietaličnyja aharodžy.
