Rasija «manumientalna chłusić» ab tym, što adbyvajecca va Ukrainie. Pra heta zajaviła pradstaŭnica ZŠA ŭ Radzie Biaśpieki AAN Samanta Paŭer padčas pazapłanavaha pasiadžeńnia hetaj struktury, jakoje praciahvajecca ŭ Ńju-Jorku, paviedamlaje TSN.ua.
Paŭer padkreśliła, što hvałt na Danbasie adbyvajecca pry sponsarstvie Rasii. Tamu zajavy ab «zaniepakojenaści» Maskvy nie da miesca.
«Pra jakuju zaniepakojenaść Rasieja havoryć, kali Rasieja stvaraje hetuju situacyju?» — zajaviła Paŭer.
«Urad Ukrainy ad samaha pačatku damahałasia mirnaha ŭrehulavańnia situacyi», — padkreśliła jana.
Paŭer ŭspomniła pra Krym i adznačyła, što ciarpieńnie ŭłady Ukrainy było biesprecedentnym.
«Ukraina demanstruje niejmaviernuju strymanaść. Ukraina vykanała ŭsie rekamiendacyi AAN. 63 dnia Ukraina išła darohaj miru. Rasija z dnia ŭ dzień išła darohaj vajny», — zajaviła Paŭer.
«Ukrainski adkaz racyjanalny, praparcyjny, jaki byŭ by ažyćcioŭleny ŭ luboj z našych krain. Ujavim, što častku Rasii zachapiła inšaja kraina. Ci prajaviła b Maskva takuju strymanaść?» — spytałasia pradstaŭnica ZŠA.
«U anałahičnaj situacyi my b zrabili heta raniej», — dadała jana, majučy na ŭvazie praviadzieńnie antyterarystyčnaj apieracyi.
Paŭer adznačyła, što Rasija pahražaje terytaryjalnaj cełasnaści Ukrainy. Na jaje dumku, krymskija padziei paŭtarajucca.
«Toj samy kryzis pry ŭdziele Rasiei», — ličyć Paŭer.
Jana dadała, što nie isnuje nijakich faktaŭ pahrozy Kijeva rasijskim hramadzianam. Zatoje jość pahroza ad Rasii, jakaja sprabuje zajavić, što na Danbasie patrebnyja jaje «miratvorcy». Miratvorcy mohuć być tolki ad AAN, padkreśliła Paŭer.
