U Minsku na 17,9% ŭzrasła kolkaść siemjaŭ, jakija vychoŭvajuć traich i bolš dziaciej, paviedamili ŭ pres-słužbie Minharvykankama.
Sacyjalnaja palityka padtrymki siemjaŭ ź dziećmi ŭ Minsku maje kankretnyja vyniki. U minułym hodzie ŭ stalicy naradziłasia 22863 dziciaci, a heta na 226 bolš, čym na hod raniej. Na 17,9 pracenta ŭzrasła kolkaść siemjaŭ, jakija vychoŭvajuć traich i bolš dziaciej. Ciapier na ŭliku ŭ orhanach sacyjalnaj abarony stalicy znachodzicca 8944 šmatdzietnyja siamji.
Razam ź dziaržaŭnaj sistemaj sacyjalnaj abarony ŭ Minsku ažyćciaŭlajecca kompleks mierapryjemstvaŭ pa padtrymcy šmatdzietnych siemjaŭ. U 2013 hodzie finansavuju dapamohu dziaržavy ŭ pahašeńni zapazyčanaści pa lhotnych kredytach, atrymanych na budaŭnictva (rekanstrukcyju) abo nabyćcio žylla, atrymali 7526 siemjaŭ na ahulnuju sumu Br21,4 młrd, finansavaja dapamoha ŭ pamiery Br11,9 młrd była vydzielena dla pahašeńnia zapazyčanaści pa vydadzienych bankami kredytach na budaŭnictva žylla na ahulnych padstavach.
Biaspłatnymi praduktami charčavańnia ŭ minułym hodzie zabiaśpiečyli 4499 dziaciej pieršych dvuch hadoŭ žyćcia. Štomiesiačnuju sacyjalnuju dapamohu ŭ pamiery adnoj bazavaj vieličyni atrymali 35 siemjaŭ, u jakich naradzilisia i vychoŭvajucca trajniaty i bolš dziaciej, na ahulnuju sumu Br115,4 młn. Adnarazovaj sacyjalnaj dapamohaj u pamiery 30 pracentaŭ biudžetu pražytačnaha minimumu da navučalnaha hoda byli zabiaśpiečany 14926 školnikaŭ sa šmatdzietnych siemjaŭ na sumu 4,6 młrd. Dapłatu ŭ pamiery 2,1 pracenta bazavaj vieličyni na charčavańnie dla navučencaŭ ustanoŭ adukacyi z małazabiaśpiečanych, šmatdzietnych siemjaŭ u minułym hodzie atrymali 30078 navučencaŭ na ahulnuju sumu Br7,4 młrd.
Taksama ŭ metach akazańnia dadatkovych mier sacyjalnaj padtrymki šmatdzietnym siemjam u Minsku arhanizavana lhotnaje handlovaje absłuhoŭvańnie charčovymi (skidka 5 pracentaŭ) i niecharčovymi tavarami (skidka 10 pracentaŭ) z vykarystańniem dyskontnych kartak.
Vyšejšaj uznaharody maciarynstva - ordena Maci - udastojena 471 minčanka. U hetym hodzie jaje ŭručać 12 žančynam. U adpaviednaści sa statusam ordena im vypłačvajecca štohadovaja materyjalnaja dapamoha z haradskoha biudžetu.
