9 maja, prykładna ŭ 10.30, u centry Maryupala pačałasia stralba.
U pres-słužbie milicyi pakul nie kamientujuć situacyju. Vidavočcy ž kažuć pra toje, što niejkija ludzi sprabujuć zachapić budynak milicyi i vajskovuju častku.
Pa dadzienych miedsłužby horada, u centry stralajuć z aŭtamataŭ. 4 čałavieki špitalizavany z ahniastrelnymi ranieńniami.
Centr horada pierakryty dla transpartu i minakoŭ.
U sacsietkach infarmujuć, što z boku aeraporta ŭ Maryupal ŭvajšła bronietechnika sa ściahami Ukrainy.
* * *
Jak paviedamiŭ na svajoj staroncy ŭ Fejsbuku palityk Aleh Laško, ŭpraŭleńnie ŭnutranych spraŭ u Maryŭpali šturmavali uzbrojenyja terarysty.
«Suprać našych prafiesijna dziejničajuć rasijskija śpiecnazaŭcy HRU «, - napisaŭ kandydat u prezidenty.
Pavodle infarmacyi Laško, terarysty stralajuć z aŭtamatyčnaj zbroi, vykarystoŭvajuć hranaty.
Zvonku na dapamohu ŭkrainskim vajennym prybyli try BTR.
«Z budynka nasuprać palikliniki suprać nas pracujuć rasijskija snajpiery. Siarod terarystaŭ — vosiem zabitych, našy ŭsie žyvyja, ale šmat paranienych», — napisaŭ jon.
Paźniej jon dadaŭ: «Pamiaškańnie UUS Maryupala całkam błakavany pa pierymietry našymi vojskami i technikaj. Terarysty zabarykadavalisia ŭnutry i adstrelvajucca».
