 |
Nivodzin biełaruski spartoviec nia siadzie ŭ samalot u Pekin, na Alimpijadu‑2008, pakul nia projdzie pilnaha dopinh‑kantrolu ŭ Nacyjanalnaj antydopinhavaj labaratoryi, — zajaviŭ ministar sportu j turyzmu Alaksandar Hryharaŭ 5 listapada na 5‑j spravazdačna‑vybarnaj kanferencyi Biełaruskaj federacyi lohkaj atletyki.
Alaksandar Hryharaŭ papiaredziŭ spartoŭcaŭ i treneraŭ, što ŭ Biełarusi, jak i va ŭsim śviecie, baraćba z dopinham budzie ŭzmacniacca. Pavodle słoŭ ministra, u 2008 hodzie Nacyjanalnaja antydopinhavaja labaratoryja atrymaje sučasnaje vysakajakasnaje abstalavańnie, z dapamohaj jakoha možna budzie vyjavić najaŭnaść u arhaniźmie spartoŭca lubyja zabaronienyja preparaty.
«I chacia mienskaja labaratoryja jašče nia budzie mieć aficyjnaj akredytacyi antydopinhavaj ahiencyi, buduć spyniacca i žorstka karacca lubyja sproby ŭžyvańnia dopinhu» — zaściaroh Alaksandar Hryharaŭ.
Jon nahadaŭ, što 19 aficeraŭ Rehijanalnaj antydopinhavaj arhanizacyi dla krain Uschodniaj Eŭropy, štab‑kvatera jakoj raźmieščanaja ŭ Miensku, buduć aktyŭna i ŭ luby čas pravodzić testy jak pa‑za spabornictvami, tak i paśla ich.
