Alaksandr Łukašenka staić u vierchnim šerahu (krajni sprava). U adroźnieńnie ad mnohich tavaryšaŭ, jon surjozny.
Zdymak zrobleny pamiž 1972 i 1975 hadami, vierahodna, u Mahiloŭskaj vobłaści. Na fatahrafii — budatrad studentaŭ Mahiloŭskaha piedinstytuta.
Pra heta śviedčyć abrevijatura na transparancie uviersie: SSO MDPI - Studencki budaŭničy atrad Mahiloŭskaha dziaržaŭnaha piedahahičnaha instytuta.
Fatahrafiju «Salidarnaści» daŭ syn vypusknika MDPI, jaki taksama jość na fota. Z Alaksandram Łukašenkam jany vučylisia na roznych fakultetach (budučy prezident skončyŭ histaryčny), i byli znajomyja tolki na praciahu adnaho leta, praviedzienaha ŭ budatradzie.
Pa ŭspaminach byłoha studenta Mahiloŭskaha pieduniviersiteta, małady Alaksandr Łukašenka byŭ kamsamolskim lidaram, vyłučaŭsia karjerysckimi pamknieńniami i prahaj ułady navat u šarahovych situacyjach.
Kali adnojčy budučaha prezidenta adchilili ad niejkaj pasady ŭ budatradzie, toj tak pieražyvaŭ, što ledź nie płakaŭ.
Alaksandr Łukašenka — nie toj čałaviek, jaki sam dobraachvotna pakinie pasadu, robić vysnovu były student Mahiloŭskaha pieduniviersiteta.
