U vypadku, kali Maskva budzie pieraškadžać praviadzieńniu prezidenckich vybaraŭ va Ukrainie, Zachad ŭviadzie suprać jaje siektaralnyja sankcyi. U Vašynhtona i Brusiela ŭ hetych adnosinach pazicyja adzinaja.
U Łondanie dziaržaŭny sakratar ZŠA Džon Kery vykłaŭ ministram zamiežnych spraŭ krain ES niekatoryja punkty amierykanskaha bačańnia čarhovych sankcyj suprać Rasii. Hetyja sankcyi mohuć zakranuć bujnyja siektary rasijskaj ekanomiki, u tym liku hazavy i vuhalny, paviedamlaje Ukrainskaja słužba Radyjo «Svaboda».
Raniej lidary ES, Złučanych Štataŭ i krain G7 zajaŭlali, što ŭ vypadku zryvu Maskvoj prezidenckich vybaraŭ va Ukrainie i ŭvarvańnia na macierykovuju častku Ukrainy budzie pradpryniaty čarhovy, treci, etap sankcyj — suprać cełych siektaraŭ rasijskaj ekanomiki.
