 |
Raskoł zakranuŭ jak kulturnych dziejačoŭ Hruzii, tak i srodki masavaj infarmacyi.
Niekalki piśmieńnikaŭ, kinarežysieraŭ i aktoraŭ užo vystupili pierad demanstrantami. Adzin ź viadomych śpievakoŭ napisaŭ pieśniu, u jakoj paraŭnaŭ prezydenta Saakašvili z rymskim imperataram Neronam, vakoł jakoha haryć jahonaja stalica. Inšyja dziejačy kultury vystupili ŭ padtrymku prezydenta. Niekatoryja ź ich padpisali adozvu, što nia buduć dałučacca da demanstracyj.
Hruzinskija srodki masavaj infarmacyi taksama padzielenyja. Adnoj ź dźviuch hałoŭnych telestancyj vałodaje miljaner‑pradprymalnik, jaki finansuje apazycyju. Jahony telekanał bieśpierapynna tranśluje demanstracyi ŭ žyvym etery. Inšy hruzinski telekanał, jaki dosyć krytyčny da apazycyi, addaje bolš času hałasam, jakija padtrymlivajuć urad.
U toj čas ža čas, jak demanstracyi praciahvajucca, nivodny z bakoŭ nie źbirajecca iści na sastupki.
Adzin z hruzinskich ahladalnikaŭ skazaŭ, što kraina nibyta žyvie ŭ dźviuch paralelnych realnaściach.
* * *
Hruzinskaja apazycyja zablakavała ŭsie vychady i ŭvachody z parlamentu h.zv. kalidorami hańby. Udzielniki akcyi arhanizavali «žyvyja kalidory» i, kali paŭz ich prachodziać pradstaŭniki parlamentu, apazycyjaniery śvistajuć i skandujuć «Vy nie z narodam».
Tym časam parlament pracuje ŭ zvyčajnym režymie, choć pasiedžańnie pačałosia na hadzinu paźniej zaplanavanaha, — deputaty hladzieli ŭ žyvym efiry nadzvyčajny bryfinh hieneralnaj prakuratury Hruzii nakont spravy eks‑ministra abarony Iraklija Akruašvili.
Napiaredadni kolišni paplečnik prezydenta vystupiŭ u efiry hruzinskaha telekanała «Imiedzi» i zajaviŭ, što ŭsie abvinavačvańni na adras Saakašvili, jakija jon apryludniŭ u vieraśni, praŭdzivyja. Jon zajaviŭ, što admoviŭsia ad ich pad ciskam i što jaho prymusili pakinuć krainu za dzień da mitynhu apazycyi.
