Paralelna z čempijanatam śvietu pa chakiei ŭ Minsku 20-21 maja projdzie turnir amatarskich kamand, pryśviečany hetaj padziei, paviedamili ŭ Prezidenckim spartyŭnym kłubie.
U turniry prymuć udzieł čatyry ladovyja družyny: chakiejnaja kamanda Prezidenta Biełarusi, chakiejny kłub «Lehiendy chakieja SSSR», CHK «Hazpram ekspart» i pieramožca čempijanatu horada Minska - kamanda «Stalica».
Balelščykam budzie pradastaŭlena ŭnikalnaja mahčymaść hetymi dniami ŭbačyć nie tolki ciapierašnich zorak chakieja, ale i lehiendarnych majstroŭ minułaha. Alaksandr Jakušaŭ, Viačasłaŭ Fiacisaŭ, Alaksiej Kasatonaŭ, Siarhiej Makaraŭ, Valeryj Kamienski, Viačasłaŭ Bucajeŭ i mnohija inšyja viadomyja chakieisty, jakija prasłavili savieckuju škołu chakieja, vyjduć na minski lod. Dla šeraha vyšejpieraličanych ihrakoŭ nie zastałosia niepakoranych viaršyń u ich amatarskaj hulni, ale jany pradaŭžajuć hulać u chakiej praz šmat hadoŭ paśla zaviaršeńnia svaich słaŭnych prafiesijnych karjer.
U paŭfinałach 20 maja kamanda kiraŭnika Biełarusi sustreniecca z «Lehiendami», a hazpramaŭcy zhulajuć sa «Stalicaj». Pieramožcy hetych pajadynkaŭ 21 maja sustrenucca ŭ vyrašalnym matčy amatarskich spabornictvaŭ.
