 |
U suviazi z ustupleńniem 1 studzienia 2008 hodu šerahu dziaržaŭ Eŭraźviazu ŭ Šenhienskuju zonu Biełaruś nie planuje pavialičvać košt biełaruskaj vizy da 60 ezraŭ. Pra heta paviedamiŭ 7 listapada načalnik pašpartna‑vizavaha adździełu konsulskaj upravy Ministerstva zamiežnych spraŭ Ihar Sakreta na kruhłym stale, pryśviečanym aktualnym pytańniam turyzmu, na vystavie «Turbiznes‑2007» u Miensku.
Pavodle jahonych słoŭ, uličvajučy nacyjanalnyja intaresy, Biełaruś razhladaje prymianieńnie niekatorych mier u adkaz, što datyčyć pytańnia pavieličeńnia koštu biełaruskaj vizy, adnak pavyšać da 60 eŭraŭ nie planuje. Kraina zacikaŭlenaja ŭ raźvićci ŭjaznoha turyzmu, padkreśliŭ Ihar Sakreta.
Z 1 studzienia 2008 hodu ŭ zonu Šenhienskaha pahadnieńnia uvojduć dzieviać krain: Litva, Łatvija, Polšča, Vuhoršyna, Čechija, Słavakija, Estonija, Malta j Słavienija. Švajcaryja, jakaja taksama musiła była ŭvajści ŭ Šenhien, adkładaje termin svajho ustupleńnia, jak miarkujecca, da 1 listapada 2008 hodu.
