Na Kipry aryštavanaja častka aktyvaŭ aliharcha Siarhieja Taruty, jakoha ŭ pačatku sakavika novaja ŭłada Ukrainy pryznačyła hubiernataram Danieckaj vobłaści.
Jak piša rasijski «Kommiersant» sa spasyłkaj na krynicy, znajomyja z chodam pracesu, adpaviednaje rašeńnie vynies 20 maja akružny sud Nikasii, zadavoliŭšy chadajnictva VTB.
Sudovym zahadam było zabaroniena «adčužeńnie, pieradača, dareńnie, zakład i luboje inšaje abciažarańnie aktyvaŭ, ruchomaj abo nieruchomaj majomaści, jakija naležać Tarutu prama ci ŭskosna».
U śpis aryštavanych, pa źviestkach krynicy, blizkaj da VTB, trapili vosiem struktur, źviazanych ź ciapierašnim hubiernataram Danieckaj vobłaści. Heta kiprskija Arrowcrest Ltd (100 % akcyj naležać Tarutu) i Dargamo Holdings Ltd.
Apošniaja, kaža surazmoŭca, źjaŭlajecca adnoj z «uskosnych» akcyjanieraŭ karparacyi «Industryjalny sajuz Danbasa» (ISD), u jakim hubiernatar vałodaje minarytarnym pakietam akcyj.
Da 2009 hoda Taruta byŭ adnym z asnoŭnych akcyjanieraŭ ISD, ale zatym 50% plus 2 akcyi chołdynhu byli pradadzienyja rasiejskim inviestaram na čale z byłym saŭładalnikam Evraz Group Alaksandram Katuninym (inšyja ŭdzielniki nieviadomyja).
Akcyi nabyvalisia ŭ Vitala Hajduka, Siarhieja Taruty i Aleha Mkrtčana. Hajduk vyjšaŭ z kapitału ISD, Taruta i Mkrtčan zastalisia akcyjanierami.
Pa dadzienych kiprskaha rejestra, Arrowcrest (stvorana ŭ 2006 hodzie, akcyjanierny kapitał składaje 17,1 tys. jeŭra) na 100 % naležyć Taruta.
U Dargamo (stvorana ŭ 2008 hodzie, akcyjanierny kapitał — 500 000 jeŭra) u jaho 100 akcyj, jašče 499.900 akcyj naležać Enard Investments Ltd (Brytanskija Virhinskija astravy).
Siarod aryštavanych aktyvaŭ Arrowcrest Ltd — ukrainski futbolny kłub «Mietałurh» (25,3 % naležyć Arrowcrest Ltd.), pa 33,4 % kiprskich apieracyjnych kampanij IGH Industrial Group Holding Ltd i ISHS Industrial Steel Holding Co. Ltd. i 19,94% akcyj budaŭničaj kampanii z Makiedonii Beton AD.
Krynicy śćviardžajuć, što taksama pad aryšt patrapili papiery polskaj Gdansk Shipyard Group SP ZOO, saŭładalnika Hdańskaj sudnavierfi (75 %), adnak znajści paćvierdžańnie suviazi hetaj kampanii z Arrowcrest u kiprskim rejestry nie ŭdałosia.
Pazoŭ VTB, padadzieny ŭ akruhovy sud Nikasii, źviazany z kredytavańniem bankam TAA «Jenisiejski fanierny kambinat» — inicyjataram i adnym ź inviestaraŭ hetaha prajekta vystupaŭ toj ža Alaksandr Katunina.
U 2008—2011 hadach VTB daŭ pradpryjemstvu kredyty na ahulnuju sumu 203,2 młn dalaraŭ. Zaraz zapazyčanaść pa ich biez uliku štrafaŭ i pracentaŭ składaje 181,3 młn dalaraŭ.
U 2011 hodzie Alaksandr Katunina i jaho tahačasny partnior Taruta vystupili paručycielami pa šerahu kredytaŭ dla TAA na sumu zvyš 30 młn dalaraŭ salidarna.
Pakolki ŭ listapadzie 2013 arbitražny sud Krasnajarskaha kraju raspačaŭ spravu ab bankructvie Jenisiejskaha faniernaha kambinata, VTB dla spahnańnia srodkaŭ pa damovie paručycielstva padaŭ u sud pazoŭ na 30 młn dalaraŭ da Katunina i Taruta.
U kancy lutaha hetaha hoda sud całkam zadavoliŭ patrabavańni kredytora. Nieŭzabavie paśla hetaha aktyvy adnaho z paručycielaŭ, novaha hubiernatara Danbasa, byli vyjaŭlenyja na Kipry, tamu 16 maja VTB źviarnuŭsia ŭ sud Nikasii, a ŭžo praz čatyry dni pazoŭ byŭ razhledžany i zadavoleny.
