Partyi admoŭlena ŭ 15 pamiaškańniach dla praviadzieńnia źjezda. Pra heta sajtu charter97.org paviedamiŭ lidar Abjadnanaj hramadzianskaj partyi Anatol Labiedźka.
«Usiaho nam admovili ŭ pamiaškańniach 15 subjektaŭ haspadarańnia. U nas była nadzieja na DK MTZ, jaki ŭ apošni čas źjaŭlajecca adzinaj placoŭkaj dla praviadzieńnia mierapryjemstvaŭ apazicyjnych struktur. Učora a 14 hadzinie paśla pieramovaŭ i kansultacyj nam pahadzilisia dać pamiaškańnie DK MTZ dla praviadzieńnia kanhresa. Adnak praź dźvie hadziny paviedamili, što jano raptam akazałasia zaniatym. My razhladajem heta jak sprobu sarvać źjezd. Kali my jaho nie praviadziem, to Miniust moža pačać praceduru likvidacyi partyi. My nie možam pravieści źjezd i na adkrytym pavietry, bo zastałosia mienš jak 15 dzion dla padačy zajaŭki», — zajaviŭ Anatol Labiedźka.
Palityk adznačyŭ, što partyja ŭ lubym vypadku źbirajecca pravieści źjezd.
«Ale źjezd my ŭsio roŭna praviadziem. Choć na vulicy, choć kala DK MTZ, choć kala ofisa, navat kali heta budzie vytłumačana jak niesankcyjanavanaje mierapryjemstva», — adznačyŭ jon.
