Bezavym koleram paznačany Krym i zachoplenyja rajony Danbasa. Žoŭtym koleram paznačany rajony Danbasa, što zastajucca pad poŭnym ci častkovym kantrolem ukrainskich vojskaŭ.
Danieckaja i Łuhanskaja «narodnyja respubliki» padpisali dakumient ab abjadnańni ŭ składzie adzinaj dziaržavy Navarosii. Pra heta napisaŭ «narodny hubiernatar» Danbasa Pavieł Hubaraŭ na svajoj staroncy ŭ fejsbuku.
Ad imia DNR dakumient ab abjadnańni padpisaŭ «premjer-ministr» DNR Alaksandr Baradaj, z boku ŁNR «kiraŭnik respubliki» Alaksiej Karakin.
«My nie pryznajom prezidenta i parłamient Ukrainy. Danieckaja i Łuhanskaja narodnyja respubliki źjaŭlajucca niezaležnymi dziaržavami. Heta maja pazicyja», — piša Hubaraŭ.
«Tamu pryznavać urad i abranaha prezidenta my budziem tolki z pazicyi, kali jany hatovyja pryznavać niezaležnaść respublik Danbasa. I druhoje, jany pavinny nieadkładna vyvieści vojski za miežy našych narodnych respublik i spynić lubyja bajavyja dziejańni», — havorycca ŭ dopisie.
Suprać dadzienych krokaŭ vystupili palityki z Partyi rehijonaŭ na čale z deputatam Carovym, adnak rasiejskija ŚMI prosta praihnaravali ich.