Pra hety «niepryjemny siurpryz» piša prarasijski sajt «Impierija», raspaviadajučy pra pryjezd u Łuhanskuju vobłaść atradu «dobraachvotnikaŭ» z Kazani, składzienaha ź vieteranaŭ siłavych strukturaŭ.
Z prapahandysckim pijetetam atrad nazyvajecca «internacyjanalnym» (u im 3 tataryny i 1 čuvaš, astatnija rasiejcy). Apisvajucca źvierstvy «banderaŭcaŭ» i impet, ź jakim rasijskija kamandas «pakinuli chatu, pajšli vajavać». Adnak, adznačajuć sa skruchaj aŭtary, «miascovyja žychary ŭ masie svajoj nie chočuć vajavać za svabodu Łuhanskaj respubliki. Niahledziačy na abvieščanaje kiraŭnictvam Łuhanskaj respubliki vajskovaje stanovišča, nasielnictva mnoha kryčyć pra nieabchodnaść niezaležnaści ad Kijeva i dałučeńni da Rasii, ale nie śpiašajecca zapisvacca ŭ šerahi apałčeńnia… Łuhansk praktyčna nieabaronieny, u horad lohka trapić na aŭtamabilach u abychod błokpastoŭ. Vojska Łuhanskaj respubliki faktyčna pradstaŭlaje saboj razroźnienyja atrady…» — piša «Impierija».
