Pavodle dadzienych Arhanizacyi pa biaśpiecy i supracoŭnictvu ŭ Jeŭropie (ABSIE), abiedźvie hrupy naziralnikaŭ zachoplenyja sieparatystami i znachodziacca ŭ pałonie. Pra heta havorycca ŭ paviedamleńni ABSIE, raspaŭsiudžanym u subotu, 31 traŭnia, paviedamlaje «Niamieckaja chvala».
Namieśnik kiraŭnika misii naziralnikaŭ ABSIE Alaksander Huh zajaviŭ, što ŭsie raspaŭsiudžanyja paviedamleńni pra nibyta vyzvaleńnie naziralnikaŭ nie adpaviadajuć rečaisnaści. Pavodle Huha,
kantaktu z naziralnikami ABSIE da hetaha času niama.
Miž tym rasijskaje ahienctva «Interfaks» raspaŭsiudziła ŭ subotu ranicaj infarmacyju ab namierach sieparatystaŭ abmianiać zachoplenych pradstaŭnikoŭ ABSIE na svaich paplečnikaŭ. Surazmoŭca ahienctva taksama skazaŭ, što pradstaŭniki ABSIE da hetaha času zastajucca na terytoryi, jakuju kantralujuć sieparatysty.
