Pasoł ZŠA va Ukrainie Džefry Pajiet u intervju ZN.UA paviedamiŭ, što amierykanskaja kampanija ExxonMobil, jakaja vyjhrała tender na raspracoŭku Skifskaha ŭčastka na ŭkrainskim šelfie Čornaha mora ŭ Krymie, admoviłasia ad svaich płanaŭ z-za rasiejskaj anieksii paŭvostrava.
Na pytańnie, jakija pierśpiektyvy zdabyčy na čarnamorskim šelfie la bierahoŭ Kryma, Pajiet adkazaŭ: «Nulavyja.
Złučanyja Štaty nie pryznajuć niezakonnaj anieksii Kryma. Z-za niezakonnaści rasijskaha statusu ŭ Krymie, ja dumaju, vy naŭrad ci ŭbačycie dzie b tam ni było na paŭvostravie niejkija mižnarodnyja kampanii… Z-za rasijskaha ŭvarvańnia ekanomika Kryma paniasie vielizarnyja straty. Vy ŭžo bačycie heta, naprykład, u halinie turyzmu. Ja dumaju, heta vyjavicca i ŭ śfiery inviestycyj».
Na pytańnie, jaki moh by być miechanizm viartańnia Ukrainaj Kryma, dypłamat zajaviŭ: «Ja nie viedaju.
Ale my budziem aktyŭna padtrymlivać ŭkrainski ŭrad u jaho pošuku i vykarystańni pravavych miechanizmaŭ dla dasiahnieńnia hetaj mety».
