U bližejšyja sutki, 5 červienia, čakajecca vobłačna z prajaśnieńniami. Nočču miescami, dniom na značnaj častcy terytoryi krainy projduć karotkačasovyja daždžy, prahrymiać navalnicy, miescami mocnyja zalevy, pa ŭschodzie ŭ asobnych rajonach hrad. Nočču i ranicaj miescami słaby tuman. Viecier paŭdniova-ŭschodni ŭmierany, dniom miescami škvalistaje ŭzmacnieńnie vietru.
Tempieratura pavietra minimalnaja nočču +10.. +17°C, maksimalnaja dniom +22.. +28°C. Atmaśfierny cisk budzie słaba raści.
6 červienia nočču miescami, dniom na bolšaj častcy terytoryi projduć karotkačasovyja daždžy, prahrymiać navalnicy. Dniom u asobnych rajonach mocnyja daždžy, mahčymy hrad. Viecier pieramiennych napramkaŭ umierany, pry navalnicach paryvisty.
Tempieratura pavietra nočču +10.. +17°C, dniom ad +18°C pa zachadzie da +31°C pa ŭschodzie.
7 červienia kantrasnyja frantalnyja raździeły pastupova pieramieściacca na ŭschodniuju častku krainy, pry hetym paŭnočny zachad krainy apyniecca ŭ bolš śviežaj pavietranaj masie, jakaja pastupaje z poŭdnia Bałtyki. Na bolšaj častcy terytoryi projduć karotkačasovyja daždžy, miescami daždžy mocnyja, navalnicy. Dniom pa ŭschodzie mahčymy hrad, pry navalnicach mocny paryvisty viecier. Tempieratura pavietra nočču +9.. +16°C, dniom +19.. +26°C; pa ŭschodzie nočču da +18°C, dniom +27.. +30°C.
