Barak Abama ličyć nieabchodnym zabiaśpiečyć biaśpieku ŭ Jeŭropie i akazvać padtrymku demakratyčnym rucham pa ŭsim śviecie. Pra heta prezident ZŠA zajaviŭ, vystupajučy na Zamkavaj płoščy ŭ Varšavie, dzie jon znachodziŭsia z dvuchdzionnym vizitam.
«Našy svabodnyja nacyi buduć adzinyja, tamu dalejšyja rasijskija pravakacyi buduć aznačać tolki praciah izalacyi i pavieličeńnie vydatkaŭ dla Rasii, — cytuje Abamu hazieta The Washington Post. — My nie dazvolim ciomnaj sile XX stahodździa vyznačać toje, što adbyvajecca ŭ XXI».
«My adzinyja, bo my viedajem, što duch Varšavy, Budapiešta, Prahi i Bierlina raspaścirajecca ŭsiudy, dzie praha svabody chvaluje čałaviečyja sercy, ci heta Minsk, Karakas, Damask abo Pchieńjan», — zajaviŭ prezident ZŠA.
0
0
0
0
0
0
