Śviatym i maralnym abaviazkam ludziej pierad zahinułymi i śviatym abaviazkam pierad budučymi pakaleńniami źjaŭlajecca niedapuščeńnie reabilitacyi nacystaŭ i ich pasłuhačoŭ.
Ab hetym zajaviŭ Alaksandr Łukašenka siońnia ŭ Minsku na cyrymonii zakładki pamiatnaj kapsuły na miescy stvareńnia miemaryjalnaha kompleksu «Traścianiec».
«Zdavałasia b, hienacyd pavinien naviečna zastacca ŭ pamiaci čałaviectva, a na virus karyčnievaj čumy vypracavacca ŭstojlivy imunitet. Na žal, hetaha nie adbyłosia, — skazaŭ kiraŭnik dziaržavy. — Siońnia fašyzm znoŭ padymaje hałavu. Niekatoryja palityčnyja siły sprabujuć abialić nacyzm, vykarystoŭvajuć nacysckuju atrybutyku, simvoliku, łozunhi. U adpaviednaści sa svaimi karyślivymi intaresami pierapisvajuć vyniki Druhoj suśvietnaj vajny.