U stalicy Jehipta prajšła cyrymonija inaŭhuracyi novaha prezidenta krainy, hienierała Abdela Fatacha Sisi. Novy prezident prynios prysiahu ŭ budynku Vyšejšaha kanstytucyjnaha suda ŭ Kairy.
U minułym miesiacy 59-hadovy Sisi pieramoh na vybarach, nabraŭ amal 97% hałasoŭ.
Hienierał Sisi adyhraŭ klučavuju rolu ŭ adchileńnia ad ułady papiaredniaha prezidenta isłamistaŭ Muchamieda Mursi, paśla źviaržeńnia jakoha jon nabyŭ šyrokuju padtrymku nasielnictva.
Paśla adchileńnia Mursi partyja «Braty-musulmanie», ad jakoj Mursi vyłučaŭsia na prezidenckuju pasadu, była abvieščanaja terarystyčnaj i zabaroniena.
Paśla źviaržeńnia Chośni Mubaraka, jaki kiravaŭ 30 hadoŭ, jehipcianie spadziavalisia na demakratyčnyja reformy, adnak ciapier dla mnohich važniej biaśpieka i stabilnaść.